Pas kritikave ne raportin paraprak per fushaten dhe zgjedhjet e 28 qershorit, vezhguesit e OSBE/ODHIR kane dhene vlersime pothuajse te njejta edhe per raundin e dyte, ate te numerimit dhe nxjerrjes se rezultateve ne raportin e ndermjetem te tyre. Vezhguesit nderkombetare gjate ndjekjes se ketij procesi ne 66 vendet e numerimit te votave kane konstatuar se ai u krye keq ose shume keq ne 22 prej tyre. Raporti thekson se numerimi u zvarrit dhe u karakterizua nga nivele te larta mosbesimi mes partive politike dhe perfaqesuesve te tyre ne te gjitha nivelet zgjedhore. Per me teper, thuhet ne raport, Komisioni Qendror i Zgjedhjeve zgjodhi shpesh te mos nderhyje ne rastet kur ne keto qendra kishte probleme. Raporti cileson se ky ishte nje nga problemet kryesore qe coi ne mosnumerimin e te gjitha kutive te votimit, rezultatet e te cilave nuk u perfshine ne tabelen permbledhese te rezultateve. Per te ilustruar kete rast raporti permend rastin e Fierit, ku institucioni i KQZ pavaresisht faktit qe mund te monitoronte se c’po ndodhte ne qendren e numerimit, zgjodhi te mos nderhynte. Dhenia e udhezimeve te pamjafueshme per KZAZ dhe GNV, si dhe mosveprimi ne ato vende ku pati probleme, thuhet ne raport, shkaktuan debate ne KQZ te cilat kishin te benin me kohen dhe menyren e duhur per te zgjidhur keto probleme, ne vecanti ne lidhje me kutite e panumruara te votimit. OSBE/ODHIR ka kritikuar edhe procesin e vendosjes se fleteve te votimit perpara video kameres. Ky moment, thuhet ne raport, kontribuoi vetem pjeserisht ne transparencen e procesit por nuk zgjidhi disa nga problemet e nderhyrjeve te verejtura ne zgjedhjet e meparshme. Edhe pse fletet e votimit shfaqeshin ne keto aparatura, raporti thekson se jo gjithmone ishte e mundur te dallohej se per cilen parti ishte bere shenimi. Per me teper, ishte e pamundur per vezhguesit te shikonin nese keto flete vendoseshin ne stiven e duhur, fakt ky qe solli edhe aludimet e partive te vogla se votat e tyre ishin vendosur ne stivat e partive te medha. KQZ, thekson me tej raporti, jo gjithmone respektoi afatet per publikimin e rezultateve, dy dite nga marrja e tabelave permbledhese te rezultateve nga secila zone.